Altersgenossafescht
Es gibt koi Fescht en Schwäbisch Gmend
Des mehr noch enna wurzelt.
Wo ma scho früh uf d'Stroßa rennt,
Vor Freud' sich überpurzelt.
Ma muaß es selber mitg'macht han,
Bischt erscht a reachter Gmender,
Wenn am Johannisdura dann
Voll Glück ziehsch dein Zylender!
Koi Tag wird so mit Bloama g'schmückt,
Die Menge stoht nia dichter,
Do werdat tausend Grüßle g'schickt
Von lachende Gesichter.
Wenn gar d'r Alois tönt vom Turm
Hot sich no koiner tischa,
No duat d'r kloinste Erdawurm
Sich über d'Backa wischa
Ond drückt sei Sträußle enger na,
Des, wo ehm d'Muader geba.
Sell isch a Augablick, oh ja,
Oiner d'r schönst'em Leba!
(Oskar Kucher)