Drei Täg vor am heiligen Obed isch g`sein,
sitz´s Doktors Ottole derheim ganz allein.
Was ischt doch des Büble heut häbich ond still!
Sitzt mäuslesleis vor seim Baublöcklespiel.
Er schreit net ond pfeift net ond tuat net trompeta,
steigt net uf da Semsa, molt net uf d` Tapeta.
Worom? Drom muaß er ans Christkendle denka,
ob`s rein guckt, wenn`s kommt, und was am`s wird schenka.-
Z`mol schellt`s an der Glastür! Wer will denn do rein?
Des wird am End net schon`s Christkendle sein?
Schnell springt er, macht d`Glastür uf ond guckt.
Je! stoht do a Mannle mit Chrischtbomsach drauß.
„Nix g`fällig? Schöne billige Chrischtbaumwar`!
Stern, Glaskugla, Vögela, Engelshaar`!
Auch ganze Engel! Da schau der`s mal an!
D` Mama soll was kaufa! Geh, sag`s kleiner Mann!“
„Nein! Nein! Mann“ sait`s Ottole volla Profit,
„des brengt bei ons alles- `s Christkendle mit!“
(Otto Gittinger)