Dui Zeit hot Flügel, des isch fei wohr.
Scho wieder isch mr am End vom Johr,
scho wieder blost e kalter Wend,
scho wieder isch mr em Advent.
Isch net erst grad dr Christtag gwe,
hot's net erst Fasnetsküechle gä?
Au Pfengste isch no net lang her,
wie wenn's erst gestern gwese wär.
Do sott mr ebe bremse könne,
daß dui Zeit tät net so renne,
sonst isch jo s'Lebe so schnell rom.
Drom bsenn i mi au rom ond nom,
wia mr drehe könnt am Rad der Zeit.
Überhaupt: D' Zeit isch jo s' wenigste bei de Leut.
J han koi Zeit," so hört mr se sage.
"Kois nemmt sich Zeit für mi," so deant se klage.
Mr ka oim Zeit schenke, mr kas oim au stehle,
Manchmol hot mr z' viel Zeit ond no tuet se oim fehle.
ja, ja, die Zeit, des isch so e Sach.
I ben emmer druf aus, daß i s Beste draus mach.
( Else Schlieter)