D Baeure
D Baeure isch a weng scheniert,
denn s'isch ihr kuerzlich mol passiert,
dass se kriagt an Foronkel
ond grad am Hentra, wo s isch donkel.
"Weib, do muascht zom Doktor gau,
so ka scht des bei Gott et lau
do muascht nach dr gucka lassa,
mit so was isch fei net zu spassa."
Ond weil ihr Ma des duat vrlanga
isch se zom Doktor ganga,
ond wia se wieder hoim isch komma
hat se ihr Alter glei vernomma.
"Jetzt, was hat dr Dokter gwisst,
vrzaehl mol wia drs ganga isch."
"ha zerscht hemer ons gmacht bekannt,
no hat er gmoint, i sei recht guat beinand.
Au sei i ja ganz guat gwaxa,
haeb stramme Fueass ond grade Haxa,
em allgemeine sei i xond
ond zor Besorgnis sei koi Grond."
"Ja, komm zur Sach ond sag mrs doch,
was hatr gsait wega deim Arschloch?"
"Ma,des kommt mir ja erscht jetzt-
ueber Di hem mir gar nix gschwaetzt."
(Unbekannt)