So a Viertele


Ja die Alte, die, die schätze no a Gläsle guata Wei.
Desweg dian sie au ois pfätza öfter als dazwischanei.
´s isch doch scho a Hochgenüßle, wenn des Tröpfle da, des guat,
grad so wie so a spritzigs Küßle herrlich ´s Herz erquicka duat.


Ha da wird’s oim inna drinna wie beim schönschte Sonnaschei,
warm un wohl in alle Sinnaun mr juchzt schier voll Juchei,
daß des älschte alte Herrle wieder Kraft und Feuer spürt
un grad wie der jüngschte Kerle wieder frühlingsfröhlich wird!

(Fritz Springer)