Em September


Dr Sonnaschei', der macht oim Spass,
wenn's nemme schnellt und blitzed.
Dr Morgentau bleibt laenger nass,
und d'Silberfaeda glitzed.

D'Schwalba sitzed uf de Draeht,
dand ihren Flug verkata.
Oine kommed aell Johr z'spaet,
uf die muass ma no wata.

Astera bluehed no um d'Wett
mit Dahlien und Rosa.
Doch sieht ma au schau, do und dett,
a Wies mit Herbstzeitlosa.

D'Aecker waerad langsam leer,
bloss no dr Mais bleibt dussa.
Und's reifed au, so neabadher,
no d'Epfel, Biera, Nussa.

D'Werzga hond a hohe Zeit,
se dand ganz uebermached,
wenn d'Fraua, weil viel Zwetschga geit,
en Zwetschgakuacha bached.

(H.Rehm)