Noch dr Wahl


Jetz hond mir gwahlt, jetz isch vorbei,
vier Johr kascht nix meh macha.
Jetz isch se da, de nui Partei
und schau vergoht uns s'Lacha.

Was hond dia au doch für Mäuler vool
im Wahlkampf vorher gnomma,
was noch am sieg zu unserm Wohl
wär ällas unternomma.

Und was kommt raus? A Streiterei,
Koalitions-Gerangel.
Se hond , des sag i frank und frei,
kon Fisch no an dr Angel.

Jetz hetted mir Pallaver gnua,
jetz sott ma Weicha stella.
Dr Wähler gucked machtlos zua
und koiner hot's se wella.

(Hermann Rehm)