No kommst zu mir!
"Mamme, wenn d" Buebe Fangerles tean,
Ond mi eifach net mitspiele lean,
Ond saget, do sei i no z'klei derfuer.
Was soll no do?
"No kommst zu mir".
"Wenn in der Schuel mir Bruchrechne hen,
Ond mir will dees eifach net in Senn,
Statt e'me Einser krieg i e Vier.
Was soll i no do?"
"No kommst zu mir."
"Wurd uf em Maerkt 's Karussell ufgestellt,
Ond mir gibt dr Babe zum Fahre koi Geld,
Ond sait: Do häb er nix iebrig dafuer.
Was soll i no do?"
"No kommst zu mir."
"Ond wann i no gross bin, no muess i doch au
Heirate ond no krieg i e Frau,
Ond dees ischt a Lompetier.
Was soll i no do"?
"No kommst zu mir."
"Du Mame, ond wann i no gschdorbe bin,
Ond i moecht in de Himmel, wo d'Engele sin,
Ond dr Petrus lasst mi net nei zur Tuer.
Was soll i no do?"
"No fragst halt nach mir." –
(Werner Veidt)