No koi Angscht
No koi' Angscht! Ond wenn au grad
s Schicksal mit dr keglet,
reiß de zemme', tuer de om!
Noh isch s moist schao greglet!
No koi' Angscht! Ond stoht dr au
s Wasser bis an Krage',
zoig halt, daß de schwemme' ka'st;
sell nutzt maih wia klage'!
No koi' Angscht am zwölfe nachts!
Ond gäb s grad au Goischter
ond e Hexle käm daher,
mach de Hexe'moischter!
No koi Angscht! Ond loht se au
manches net verzwenge',
nemm dr halt e Beischpiel am
Götz vo'Berlechenga'!
( Heinz Eugen Schramm)