Moiarega


G'schwend isch do
a schwarze Wolke,
d'Sonn hot g'scheinet grad no so,
jetzt werret d'Moiawolka g'molke.

Do tröpfelt's zairscht en d'Blüate,
z'mol giaßt's en Ströma ra.
Jetzt stohst do, kasch nex v'rhüate,
s'wäscht über älles na.

D'Äst dia hanget schwer,
schüttlet sich soichnaß.
Ja, wenn dr Boda et so drucka wär!
Aber so mecht's sogar Spaß.

Lasset's regna, lasset's wachse,
d'Moiazeit hot Durscht.
Wenn d'au bis auf d'Haxe
durna g'wäscha wurscht.

(Hermann Holz)