Em Juni


Em Juni geit's em ganza Gaeu,
wo Baura send, viel Waega Heu!
's riacht bis ens Staedtle wuerzig rei;
do moecht mr grad a Oechsele sei'!

Em Juni des ischt a farbigs Bild:
Do bluehat's en aelle Gaerta wild;
ond au mo's Maedle kuesst dr Bua,
goht's oefters wild ond hantig zua!

Em Juni, do brennt d'Sonna hoiss,
do baebbt dr's Hemmad a' vor Schwoiss;
ond stenka tuat's em Staedtle halt
scho' gottsallmaechtig nach Asphalt!

Em Juni ischt dr laengschte Tag,
ond Gwitter geit's ond Hagelschlag.
Dr Durscht ischt gross ond d'Arbet schwer,
ond's Faessle Moscht ischt au bald leer!

Em Juni schlupfat, eiderdaus,
scho d'Aepfel ond au Bira 'raus:
Juhe em Herbscht no, kommt koi Froscht,
wurd wieder voll dei Faessle Moscht!

(Wendelin Ueberzwerch)