Gaisburger Marsch
Gaisburger Marsch", so hoisst mr en echte Schwobe'schmaus.
E Schüssel vool, sell woißt mr, dui battet ond geit aus.
Grombiere'schnitz ond Spatze' mit Zwiebel en dr Brüah!
Do zahle gern en Batze', denn bschisse' bist do nia!
A Ochse'floisch, e saftigs, soll au net übel sei'.
Ha, des isch ebes Schnaftigs en hohle Mäga nei'.
En Batz 'ond en Heller, dia gilt's, daß i mi trau!
Schao' noch em fufte' Teller schwitzt jeder wia-n-e Sau!
(H.E.Schramm)