Fruehjohrsgschaeft


Wann ma s aellig so bedenkt,
was dr Frieahleng oim aels brengt-
ausser Bloama oder so-
wurd ma s Leabes nemme froh!

Miischt vrrecha, d Feaschter butza,
d Aepflbaeum ond Hecka schdutza,
Mucka fanga, Stoeck vrsetza-
Dag fuer Dag muascht ommerhetza!

D Maentel lufta, Zwiebel stupfa
ond em Keller s Mooschtfass lupfa.
Ao fuer d Stuira wurds gao Zeit-
aellas sodd ma, lieabe Leut!

Oine mueasset aerger schnaufa,
andre sich a Auto kaufa.
S O'kraut aber, s ischt a Graus,
sell schiabt ael Dag aerger raus!

Doch wann dees net aellas waer,
waer dr Frueahleng fad ond leer,
wann ma trotzdeam ao bedenkt,
was r oim soscht no brengt...

(Rudolf Weit)