Februar


"D Sonn, dui will jetzt hoear naus,
mit de bloiche Daeg isch aus!"
hairt ma manche sage.
D Wuerschtla an dr Hasl dra
fangat schao zom gschwlla a'
ond s duat baelder daga.

S'Liacht krieagt wieder langsam d Gwalt.
D Moisla spielet drenn em Wald,
ond dr Saft duat steiga.
Isch airscht om dui Zeit rom warm,
sieht ma obends schau an Schwarm
lauter Schaoka geiga.

Leit zwar d Katz em Sonnaschei',
muass no viel en Ofa nei;
duea fei reacht bedenka!
Wann's vor "Mattheis" schneia duat
ao a Reagale sei guad,
dees soll Seaga schenka.

Nemm s, wie s kommt, seil sag i oft:
S zoigt se manches o'vrhofft,
wear ka do oim roata?
Zuadeam gaht s auf d Fasnet zua,
dao ischt aelles narret, Bua!
Drom ka manchs vrgrota!

(Rudolf Weit)