Dr' Angerscha Goischt!


Em Herbst isch gwea,
d' Nacht isch rei brocha,
no semmer früh'r Laterna gloffa.
Meistens war's soa Zieharmonika,
wo mr' au heut no kaufa ka.
Eimal hemmer vom a Feld,
a verlaurane Angersch g'holt, ohne Geld.
Mr hend et lang braucht,
a halbe Stond,
no hot se ghet Auga,
Nas ond Mund.
Enna hot mr' se ziemlich ausghölt,
mitta nei a Kerza g'stellt.
Do wo sonst bei jedam Meckl,
dr Schopf mit Haar,
war beim Goist dr Deckel.
E' de Auga ond de Nasalöcher
hots gfährlich gflackeret,
em Hennastall glei grausich gackeret.
Des isch war ond gwieß et gloga,
d' Här send bis a d' Decke gfloga.
Meim Vadder hot des damals gar etgfalla,
hot mr da Goist rausgrissa, vor dr Hennahalla,
end Ecka gschmissa,
d' Kerz war aus, dr Goicht verrissa.

(Unbekannt)