du bisch jetzt ?, 's isch so weit.
Du bisch et alt - du bisch et jong,
doch inna - außa gut en Schwong.
Heut haut di nix so leicht vom Hocker,
die ? Johr - die tragsch du locker.
Wie mer's au a'guckt - es isch wohr,
se send em Sack - die ? Johr.
Do hilft koi Beta - Flucha - Toba,
der Sack isch auf'em Buckel droba.
Es isch scho hart - des muss i saga,
je älter - um so mehr musch traga.
Mit vierzig kriegsches et so mit,
dass de mit ? bisch no fit.
Von wega ? ond am Ende,
im Gegatoil - des isch die Wende.
Ab ?- des tun viele saga,
ab ? - goht dir's an dr Kraga.
Ab ? - glaub's, mit schnellem Trab,
do goht's mit dir halt doch bergab.
I kann di ? bloß no loba,
i spür an starka Schub nach oba.
Mit ? bisch du echt in Form
ond dei Erfahrung isch enorm.
Jetzt ändert sich des Lebens Lauf,
ond mancher Spass hört plötzlich auf.
Mit ? hot a jeder g'lacht
ond über's Alter Spässle g'macht.
Kann'sch z'frieda in dei Händ neispucka
ond frohgemut nach vorne gucka.
Genieß die Jugend bis zum Ende,
bezahl dei Schulda bis zum Ende.
Doch i han selligs mol scho g'wisst,
dass de mit ? fertig bisch.
An Rente derfsch du gar net denka,
am beschta wär's, ma tät sich hänga.
Des Lesen - des tut di net jucka,
hauptsach du kannsch end' Ferne gucka.
Was auf der Gass so romschpaziert,
als ?er di scho intressiert.
Ond wenn du's mit der Brill et kanscht,
no schaffst du mit am Fernglas ganz.
Ond moinsch du tätsch no ebbes tauga,
no merksch's am eh'schta an de Auga.
A Speiskart lesa im Lokal,
des isch für di a echte Qual.
Z'erscht hasch du g'moint, du tätsch jetzt schilla,
jo scheißele - du brauchsch a Brilla.
Des Beschte, ond des woiß i g'wiß,
des isch dei nagelneu's Gebiss,
Für di der allergröschte Nutza,
Du kansch dei Zäh jetzt extern putza.
Fürs schönste Lächeln auf der Welt
zahlt „Kukident" dir Werbegeld.
hasch g'veschpert mit de oig'ne Zäh'.
Heit hasch bloß no a'paar Stompa,
die send mit Brücka eng verbonda.
Der Zahnarzt isch auf dera Welt
der Oinz'ge, dem dei Gosch no g'fällt.
Packt di des Leba hart am Schopf,
no kriegsch halt an Charakterkopf.
So mancher hot an Rübahafa
ond ka deswega trotzdem schlafa.
Glotzt morgens du en Spiegel nei,
dei Meckel - der isch einwandfrei.
Glotz i am Morga in da Spiegel,
no seh' i so an alta Igel.
Die Nas' verschoba - 's Gsicht voll Falta,
des kannsch et tauscha - des musch b'halta.
Verzweifelt - fascht am Resigniera,
tu i den Kerle halt rasiera.
Für di gibt's überhaupt koi Frog,
du stellsch doch dir ens Bad koi Woog;
Was sollsch denn du di drangsaliera
ond deine Pfunde kontrolliera?
Du fühlsch di wohl - du fühlsch di g'sond,
ond deshalb bleibsch du kugelrond.
Ond standsch du henterher auf 'd Woog,
no denksch - s'isch a arge Plog.
Du veschpersch kaum em großa ganza
ond oinaweg hosch so an Ranza.
Des isch ganz g'wiss der Altersspeck,
den kriegsch dein Lebtag nemme weg.
Dei Liebesleba isch enorm,
erotisch bisch du groß in Form.
Die Männer reißet sich um di,
goht des so weiter - bisch bald hi.
Du fühlsch di no als echter Hirsch,
gescht liebeshungrig auf die Pirsch.
Wenn du was g'schafft hasch war was los,
ond im kassiera warsch du groß.
Und doch hasch koi Geld em Überfluss,
dei Konto - des isch a Verdruss.
Was du au ang'schtellt hasch em Leba,
a paar Sacha ginget daneba.
Dei Konto isch nach all de Johr
genau so leer wie's früher wor.
Du hältsch di fit - ond pflegscht dein Ranza
ond läsch em Alter d'Puppa tanza.
Ond kannsch heut z'frieda saga,
du kannsch de über nix beklaga.
Heut bisch em Alter arm ond krank
ond hosch koin Pfennig auf der Bank.
Ma sieht - du kannsch di dreha, wenda,
für di wird alles saudomm enda.
Die ?.-Feier isch für di,
grad wie des Tüpf'le auf em „i".
denn ons're Freundschaft - die soll leba.
No isch der Ofa lang et aus,
du hasch no Dampf - do kommt was raus.
Du machsch aus der Not ä Tugend
ond zählsch dich zu der späta Jugend.
Au wenn di des da Schlaf tut rauba,
du musch mir des Oine glauba,
Du g'hörscht jetzt au zom alta Eisa
ond könnet auf die Zukunft - Trinka.