Steig nauf den Berg,
guck runter ins Tal,
dann siehst du des Bild
überall

Do liegt vor sich e kleine Welt
drom rom send Berg ond Hügel gstellt
ond drüber ist dr Hemmel deckt
ond dronter ist dui Welt versteckt.

Ond Wiesa hots ond Waelder
ond was fer scheene Felder!
Ond Bächle au mit Brucke
mr ka's schier et vergucke!

Ond mitte in der Herrlichkeit -
als hättet Kinder Blemla gstreut -
leit do a Doerfle dort e Haus,
ond drüba guckt e Kirchtum raus.

Friede ist drom her,
wie wenns do all Tag Sonntag wär;
so lieb ischt alles ond vertraut
als hätts dr Herrgott zema baut.

Ja onser Schwobaland ischt wägger
wos o'packscht, uff dr Alb, am Neckar,
im Gäu, im Schwarzwald ond im Ries
a Ländle wie im Paradies.

Do brauch i gar nex zema z'dichta,
zerbleamlad nex ond z'amarichta.
I zeig em Land sei ehrlichs Gsicht,
no gibt's von selber a Gedicht.