Au des muass gsait sei'!
D'Mannsleit, dia send aelle gleich,
aelle, mit ond ohne Baeuch,
ob se viel, ob wenig Geld hent,
ob se en dr Schual oft gfehlt hent.
Noi, do dreh i d'Hand et rom;
d'Absaetz laufet se sich kromm
noch de Maedle, lieaba Zeit,
strotzet voller Hoeflichkeit.
Ond se bittlet, bettlet, taenzlet,
ond se schmoichlet ond schlarwenzlet.
Kurz, se schmuset ond se deant,
bis se so an "Engel" heant.
Spaeter, ond do hilft koi' Bette',
lent se s'Weib de graischte Kraette'
kreuz ond quer durch Stuagert trage,
ond - was wohr isch muass mr sage' -
o'beschwert danebet "ER"!
D'rom hilft bei selle Stoffel!
aebe' bloss no dr Pantoffel!
(Heinz Eugen Schramm)