Lieab's Chrischtkend, willsch Du mir ebbes schenka,
i'h taet dau an so manches denka:
An Hafa, der wo selber kocha kah,
an Ehemah, der geara schpueala ma.
An Automat, wo allweil's Geld raushupft,
und a Haeckale, wo selber 's Ohkraut zupft.
An Maulkorb fuer mei lieaba Schwiegermuatt'r,
an halba Zentner Katzafuatt'r.
A Zwergle, wo em Opa sei Gebiss nauchtrait
und d' Triangel in der Hos' zemanait.
An Kopf, der ganz g'wiss nix vergisst
und a Familie, dia, was i'h koch, au ohne maula isst.
Und nau vielleicht no fuer mei Modellfigur
in Groesse 36 a Sonntagshaesmontur.
Lauter Wuensch, dia bloss's Chrischtkendele erfuella kah,
jetzt probier ih's halt und schreib's mal auf da Zett'l na.
(Unbekannt)