s'isch April


Warm hot d'Sonna geschtern g'schent -
Fruehaleng sei's jetzt, hoscht do g'moint!
Heut muascht Holz vom Schopf rei hola,
aus'm Keller d'letschde Kohla;
s'hilft dr nix, guck et dra na,
gang ond zend dei' Oefele a'!
G'frora hat's heut Nacht ond g'schniea '
s'isch April, do woischt halt nia!

Geschtern hent no d'Amsla fescht
zwitscharat em Birka-Nescht,
hent scho' -jo des send halt Schlecker -
fette Wuerm pickt uff de Aecker!
Heut ischt aelles vrschneit, ond jetzt
isch's fuer d'Voegele wieder letz!
Kitzabohnelat hot's sogar -
s'isch April, do isch's jo klar!

D'erschte Blueatla, rosa 'tupft,
send am Aepfelbaum scho' g'schlupft,
daurat oin'n grad bei deam Wetter:
Des ischt boes fuer d'Blueata-Blaetter.
Aber wia? Do hellats' jo:
Z'mol isch d'Sonna wieder do!
Heidanei wia i mi freu:
S'ischt April ond bald isch's Mai!

(Wendelin Ueberzwerch)