Fuer einen Schwaben zum 60sten Geburtstag


Sechzig Johr mit Turnschuah ond Schlabba
duasch Du uff dr Welt romdabba.
Morgens Kalium, Calcium, Vitamine,
des isch elles scho Routine,
Obst, des isch jo so schee schlicht,
schee, dass Du jetzt 60 bicht.

Dei Mo ond Deine Kinderla,
dean halt manchmol mit dr hendla,
hosch halt koine andere verwischt,
schee, dass Du jetzt 60 bischt.
Fuehlsch di mol z'jong, uff koin Fall z'alt,
beim Radla, irgendwo uff'm Asphalt,

hoer uff, bevors em Hendra zischt,
denk dro, dass Du jetzt 60 bischt.
Nemmsch Du en Kamm amol end Hand,
ond guggsch en Spiegel ganz entspannt
ond no a graues Hoor erwischt,
denk dro, dass Du jetzt 60 bischt.

Bisch Du beim Wuahla ond beim Schaffa,
beim Wergla ond beim Z'ammaraffa
ond glaubsch des waer Dei Lebenspflicht
denk dro, dass Du jetzt 60 bischt.
Butza duaschd au gern die Wohnung
di grauts vor Stroh und au vor Dung,

jetzt lesch amol den ganza Mischt,
denk dro, dass Du jetzt 60 bischt.
Siehsch Dei Traummo uff sexi Bilder,
ond wonderscht Di, wirsch gar net wilder.
Trotzdem saumaessig geila G'sicht,
denk dro, dass Du jetzt 60 bischt.

Fir aelle duasch gern Socka stricka,
wenn'd Wol net langt a andre Farb noflicka,
weil des die beschte Loesung isch,
denk dro, dass Du jetzt 60 bischt.
Du kaempfsch mit aelle Scheisshaus Mugga,
die bei Dir en d'Wohnung drugga.

Jetzt lesch amol den Fliegaschiess,
denk dro, dass Du jetzt 60 bisch.
Ond duasch amol a Viertele lupfa,
dr Papa faengt gfaehrlich o zom zupfa.
S'isch Zeit, dass er mit Dir hoimzischt,
denk dro, dass Du jetzt 60 bischt.

Skifahra war scho doll ond luschtig,
lass lieber sei, des isch ons wichtig.
Bevor dr nomol EBBES brichsch,
denk dro, dass Du jetzt 60 bischt.
D'Mutti nach'm Urlaub streckt
ganz keck ihr diches Baeuchle weg.

Do gibt's nur oins, des hoisst Verzicht,
dass koiner merkt, dass'd 60 bischt.
Legsch Du Dein Tango uff's Parkett
mit "Wiegeschritt" so richtig nett.
Mr sieht, Du bisch no richtig frisch,
koi Mensch merkt, dass Du 60 bisch.

Du bisch recht ehrlich ond au nett.
Manche Leut vostehn's halt net,
onser Lieb gar nie verlischt,
denkt koiner, dass Du 60 bischt.
Die Kender kennet's gar net fassa.
Dei Ruaf, der hallt durch alle Gassa.

Se wondret sich wie laut des isch,
denkt koiner, dass Du 60 bischt.
Du willsch recht gern hoch hinaus.
Mir henn ons denkt, anstat 'nem Strauss
schenket mr Dir, was'd nie vogisch,
weil mr ons freuad, dass Du 60 bisch.